Таиландта 38 жастағы қойма меңгерушісі мұнай мен химиялық заттар сақталған ғимаратты өртеп жіберді. Ол мұндай әрекетті бастығынан кек алу үшін жасағанын айтты. Әйелдің сөзінше, оған бастығы жиі ұрысқан, – деп хабарлайды Tengrinews.kz сайты.
Ғимаратқа от қою сәті бейнебақылау камераларына түсіп қалған. Сондықтан өрт қойған кім екенін анықтау оңай болған.
Бұқаралық ақпарат құралдары мәліметінше, өрт мұнай мен химиялық заттар сақталған нысанда тез жайылған. Нәтижесінде ауаға улы түтін тараған.
Өрт орнында 40-тан аса құтқару көлігі жұмыс істеп жатыр. Өрттен келген шығын 40 миллион бат (1,18 миллион АҚШ доллары).
