Республикалық бюджеттің атқарылуын бақылау жөніндегі есеп комитеті «ҚазМұнайГаз» жұмысындағы заңбұзушылықтарды анықтаған.
«ҚазМұнайГаз» ҰК» АҚ және оның жекелеген ведомстволық ұйымдарының активтерін басқару тиімділігіне қатысты 2021 жылдың мамырында аудит жүргізілген.
Аудит барысында Еңбек заңнамасының кемшіліктері анықталып отыр. Бұл 16 сағат көлеміндегі жұмыс уақыты есебімен бір уақытта бірнеше басшылық лауазымдарды біріктіруге мүмкіндік беретіні атап өтілді.
«Басқарма төрағасының орынбасары (қашықтан) қызметі еншілес ұйымның бас директоры лауазымымен біріктірілген», – делінген хабарламада.
Сондай-ақ «Нысандарды салу жөніндегі серіктестік» корпоративтік қоры Түркістан облысындағы амфитеатр құрылысына бөлінген 307 миллион 938 мың теңгеден үнемделген қаражатты қайтармағаны анықталды.
Соталды арыздан кейін корпоративтік қор «ҚазМұнайГаздың» есеп айырысу шотына көрсетілген ақша сомасын қайтарғаны хабарланды.
