Иран боксшысы Мохаммад Джавад Вафаи-Саниды 2019 жылғы наразылықтарға қатысқаны үшін өлім жазасына кесілді. Бұл туралы Twitter-де оның адвокаты Бабак Пакния жазды, - деп хабарлады Vringe.com сайты.
Сот үкімі күрестен ел чемпионы өлім жазасына кесілгеннен кейін бір жылдан астам уақыт өткен соң шықты. 2020 жылдың қыркүйегінде 27 жастағы Навид Афкариды дарға асқан болатын. Ол өлім жазасына кесілмес бұрын билікке қарсы наразылыққа қатысқанын және күш құрылымдарының қызметкерін өлтіргенін мойындауға азаптап мәжбүрлегенін айтқан.
Норвегияда орналасқан Иранның адам құқықтары жөніндегі үкіметтік емес ұйымы (IHR) 26 жастағы боксшы "үкімет ғимараттарын өртеп жіберді және қиратты" деген айыппен сотталғанын мәлімдеді. Ол 2020 жылдың ақпан айында ұсталды.
Вафаи-Сани бокстан жасөспірімдер арасында ел чемпионы болған.
Әлеуметтік желіде адамдар оның өмірін сақтап қалуға үндеп жатыр, ол үшін Twitter желісінде #SaveMohammadJavad хэштегін пайдалануда.
