Алматы облысында сауда үйін тонағандар ұсталды

ұсталды

Алматы облысында қаңтардағы дүрбелеңде Апорт сауда орталығында ұялы телефондарды ұрлаған жергілікті тұрғын ұсталды. Күдіктіден бағасы қымбат 12 смартфон мен 4 планшет айғақ зат ретінде тәркіленді.

Жалпы Қарасай ауданы бойынша қазіргі таңда тонау дерегі бойынша 20 күдікті анықталып, олардан 200-ден астам тұрмыстық және компьютерлік техника табылды. Қаңтар оқиғасына қатысы бар азаматтарды анықтау мақсатында ауданда кешенді шаралар жалғасып жатыр. Бейнебақылау камераларындағы жазбалар қаралып, куәгерлерден түсініктеме жинастырылуда.

«Күдіктілер қолды қылған заттар иелеріне қайтарылды. Аудан аумағында тонау деректерін анықтау бойынша кешенді шаралар әлі жүріп жатыр. Барлық іс-қимыл аудандық және облыстық полиция департаменті басшыларының тікелей қадағалауында», - деді Қарасай аудандық полиция бөлімі басшысының орынбасары Серік Тұрпанбаев.

 

Aikyn.kz | Бүгінгі жаңалықтар. Әлем және Қазақстан жаңалықтары.