Алматылық жігіт өзін тәртіп сақшысымын деп таныстырып, жұртты тонаған, – деп хабарлайды Polisia.kz.
Жетісу аудандық Полиция басқармасының мәліметінше, 21 жастағы У. есімді азаматтың іс-әрекеті Қылмыстық кодекстің бірнеше бабы бойынша сараланған.
– Жалға алынған көлікке мінген “кәсіпкер” жігіт көшеде жасөспірімдерді тоқтатып, заттарын көрсетуді талап етіп, түрлі сылтаулармен ұялы телефондар, ақша және басқа да бағалы заттарды алып алған. Тағы бір жағдайда қаскөй шағын дүкендерге барып, азық-түлік алып, келесі күні ақшаны әкелуге уәде берген. Жас жігіт тәулікке пәтер жалдап, ұрлық жасаған. Ол иелерінен құнды нәрсе бар ма деп сұрады. Олар ашылып, қонаққа өздерінің жасырын жерлерін айтты. Келесі күні пәтер жалдаушы да, бағалы заттар да болмады, – дейді Жетісу аудандық Полиция басқармасының бастығы Дархан Мұсанов.
Күдікті қамауға алынды. Қазіргі кезде ол жеті алаяқтық, екі тонау және бір пәтер ұрлығы дерегі бойынша күдікті. Жас жігіт бұл қылмыстарын мойындады.
Ұсталған азаматтың бұрын жасалған осыған ұқсас қылмыстарға қатысы бар-жоғын анықтауға бағытталған бірқатар жедел-іздестіру іс-шаралары жүргізілуде. Тергеу барысында оған қатысты қамауға алу түріндегі бұлтартпау шарасы таңдалды.
Ал осы кісінің әрекетінен зардап шеккен азаматтар мына телефон нөмірлеріне хабарласуына болады: 254-49-02; 254-49-06; 254-49-21; 8-701-099-09-00.
