Ақтауда 16 жастағы жасөспірім тирге барып, абайсызда өзін жаралады. Бұл жайында блогер Азамат Сәрсенбаев хабарлады.
Оқиға өткен сенбі, 19 ақпанда Ақбота қалалық саябағындағы аттракционның бірінде болған.
– Балаға оқ абайсызда тиген. Негізі өзінің салғырттығы ғой. Маңғыстау облыстық балалар ауруханасына бірден жеткізіліп, жасөспірім бастан-аяқ тексеруден өткізілді. Дәрігерлер баланың кеудесіне қадалған оқты алу үшін күрделі отаны да жасап үлгерді, – дейді ол.
Айтуынша, ота 40 минутқа созылған. Қазір баланың жағдайы жақсы. Жақын арада ауруханадан шығады.
