Еуропалық Одақ пен Ресейдің текетіресі салдарынан қиындыққа тап болған жүк тасымалдайтын қазақстандық көлік жүргізушілері үшін жедел желі іске қосылды. Индустрия және инфрақұрылымдық даму министрлігінде көлік және логистика саласында туындаған мәселелер бойынша жедел штаб құрылды.
Оны министр Қайырбек Өскенбаевтың өзі басқарады. Жедел штаб кәсіпкерлік субъектілеріне және автомобиль, теміржол, теңіз және әуе көлігімен атқарылатын халықаралық жүк тасымалдарына қатысушыларға көмек көрсету және ақпараттық қолдау үшін құрылды.
Сондықтан ҚР ИИДМ ахуал орталығы базасында жедел желі ашылды. Барлық сұрақтар бойынша сall-орталыққа: +7 708 088 0800; +7 (7172) 98-35-35 нөмірлеріне хабарласуға болады.
