Қазақстан уақытымен 9 наурыздан 10 наурызға қараған түні Сантьяго Бернабеу мен Этихадта Чемпиондар лигасы 1/8 финалының екі қарымта ойыны өтті.
Корольдік клуб өз алаңына ПСЖ командасын 3:1 есебімен жеңіп, керемет камбэк жасады. Парижде өткен алғашқы кездесуде 1:0 есебімен жеңіске жеткен франциялық команда Мадридте де алдымен есеп ашты. Жалпы есепте 0:2 болып жеңіліп жатқан «Реал» 18 минутта үш гол соғып, маңызды жеңіс пен ширек финал жолдамасын жұлып әкетті. Бұл кездесуде Карим Бензема хет-трик жасап, ойынның басты қаһарманы болып шыға келді.
Ал алғашқы ойында сырт алаңда 5:0 есебімен жеңіске жетіп, жолдама тарғдырын алдын-ала шешіп қойған «Манчестер Сити» өз алаңында «Спортингпен» тең түсті. Этихадта өткен ойында есеп ашылған жоқ.
