Мемлекет басшысы Қасым-Жомарт Тоқаевтың студент кезінде түскен суреті жарияланды.
"Президент жалпы газет-журналды жас кезінен көп оқиды. Мына фото Қасым-Жомарт Кемелұлының студенттік шағынан. Мәскеу қаласы, ММХҚИ жатақханасы, 1975 жыл", – деп жазылған суреттің тұсында.
Сондай-ақ, президенттің жуырда берген сұхбатынан үзінді келтірілген.
«Мерзімді баспасөзді үзбей қараймын. Бұл – менің бұрыннан қалыптасқан дағдым… Жалпы, мен көп оқитын адаммын. Жақсы мақала немесе сұхбат көрсем, астын сызып оқуға тырысамын. Өзекті мәселе байқасам, оған қатысты нақты тапсырма беремін».
