Қазақстандық боксшы Елхан Табынбаев (3-0, 1 КО) Мәскеуде өткен бокс кешінде өнер көрсетіп, жеңілмеген Үнді Исрар Усманимен (5-0, 5 КО) кездесті, – деп хабарлайды Sports.kz.
Жартылай ауыр салмақтағы жекпе-жек сегіз раундқа есептелген, бірақ бір раундқа да созылмады: бірінші раундта-ақ Табынбаев қарсыласын нокаутпен жеңді.
Осылайша, Елхан Табынбаев профи-рингте төртінші жекпе-жегінде жеңіске жетіп, WPBF нұсқасы бойынша жастар арасында әлем чемпионы атанды. Айта кетейік, 22 жастағы қазақстандық әлі күнге дейін жеңілмеген. Оның қарсыласына келетін болсақ, Исрар Усмани мансабында алғашқы жеңіліске ұшырады.