Отбасы банктегі депозиттерге 10% өтемақы төленеді.
Ұлттық банктің мәліметінше, теңгедегі салымдарды қорғау бағдарламасы кең таралған салымдардың бәріне қолданылады.
Атап айтқанда:
– жинақ салымдары;
– Қазақстанның депозиттерге кепілдік беру қорының жіктемесіндегі мерзімді, сондай-ақ мерзімсіз салымдар;
– Отбасы банктегі салымдар, мемлекеттік білім беру жинақтау жүйесіндегі салымдар.
«Біржолғы өтемақы 2023 жылдың 23 ақпанынан кейін есептеледі.Төлем жүргізу кезеңі туралы тиісті нормативтік-құқықтық акті жарияланғаннан кейін ғана белгілі болады. Үкімет пен Ұлттық банктің бірлескен мәлімдемесі бойынша, 10% өтемақы бюджет қаражатынан төленеді» делінген ресми хабарламада.
