Түркістан облысында танысын алдап, 5 миллион теңге алған алаяқ ұсталды, – деп жазады polisia.kz.
Полиция арызданған жәбірленуші әйелдің айтуынша, биыл қаңтар айында жақын танысы «бірге жеке бизнес ашамыз» деп 5 миллион теңге несие алдырған.
Алайда танысы ақша алғаннан кейін уәдесін орындамай, ақшаны да қайтармай әуреге салған.
ҚК-нің 190-бабы (Алаяқтық) бойынша іс тіркелді. Полицейлер күдіктінің жеке басын анықтап, бөлімшеге жеткізді.
Күдікті ер адам Кентау қаласының тұрғыны екені анықталды. Ол 5 миллион теңгені өз пайдасына жаратып жіберген.
