Әлеуметтік желіде жүргізушілердің тәртіп бұзушылықтарын тіркейтін арнайы камералары бар жаңа патрульдік көліктер пайда болды деген ақпарат тарады. Аталған ақпаратқа қатысты ОКҚ-да өткен брифингте ІІМ Әкімшілік полиция комитетінің басшысы Атығай Арыстанов пікір білдірді.
Орталық коммуникациялар қызметінде өткен брифингте журналистердің сауалына жауап берген Арыстанов мұндай патрульдік көліктер тек Ақмола облысында ғана емес, басқа өңірлерде де бар екенін атап өтті."Шынында да, камералары бар және жол қозғалысы ережелерін анықтайтын патрульдік көліктер бар. Мұндай автокөліктер Ақмола облысында ғана емес басқа өңірлерде де бар. Бұдан былай Қарағанды, Көкшетау бағытында жиі пайдаланылатын болады", - деді ІІМ комитетінің басшысы ОКҚ онлайн-брифингінде.Арыстанов кейде қазақстандық жүргізушілер патрульдік көлікті көргенде жылдамдықты бәсеңдетіп, бірақ өтіп бара жатқанда жылдамдықты асырып, газға қысым жасайтынын айтты.
"Жүргізушілердің назарын аударғым келеді - бұл сіздің өміріңіз. Бұл полицияға емес, сізге қажет. Сіз өзіңіз үшін ғана емес, жолда келе жатқан басқа жүргізушілер үшін де жауаптысыз", - деп қосты Атығай Арыстанов.