Индустрия және инфрақұрылымдық даму министрлігі 2019 жылғы 27 желтоқсанда Алматы қаласы әуе айлағының аумағында Bek Air әуе компаниясының Fokker-100 әуе кемесіне қатысты орын алған авиациялық оқиғаны тексеру жұмыстары аяқталғаны туралы хабарлады.
Қазақстан мен шетелдегі авиация саласына қатысты мамандар жан-жақты тексере келе, Bek Air әуе кемесінің апатқа ұшырауына ұшақ әуеге көтерілген кезде қанатының күш түсетін қасиеттерінің симметриясын жоғалтуы себеп болған.
Соның кесірінен ұшақ ұшу-қону жолағынан көтерілгеннен кейін фюзеляжға құлап, жерде оңға қарай ауып кеткен. Одан кейін әуежайдың периметр бойынша қоршауын бұзып, аталған қоршаудан 9-10 метр қашықта орналасқан екі қабатты жекеменшік үйге соғылған.
Комиссия қорытындысына сәйкес, ұшақтың қанаттарына мұз қатып қалғаны себеп болуы ықтимал.
Қорытынды есеп егжей-тегжейлі Индустрия және инфрақұрылымдық даму министрлігі сайтында жарияланған.
