4 мамырда Петропавл жоғары құрылыс-экономикалық колледжі аумағынан 19 жастағы студенттің мәйіті табылды. Бұл туралы Солтүстік Қазақстан облысы Полиция департаментінің баспасөз қызметі хабарлады, – деп жазады tengrinews.kz.
"Оқиға орнына полицейлер барды. Өз-өзіне қол жұмсау дерегі ҚР Қылмыстық кодексінің 105-бабы бойынша соталды тергеп-тексерудің бірыңғай тізіліміне тіркелді. Сараптама тағайындалды", – делінген хабарламада.
Қайтыс болған жігіттің группасы оның қандай адам болғанын айтты.
"Көп нәрсе айта алмаймын, өйткені ол сабаққа қатыспайтын еді. Бірақ өте көңілді адам болатын. Әрқашан бәрімен сөйлесуге тырысатын еді. Тіпті жатақханаға көшіп келді, онда да көңілді жүретін еді. Алғашында оны дөрекі деп ойладық, ол өзін солай ұстады, бірақ кейін бәріміз достасып кеттік. Жақсы жігіт еді", – деді ол.
Оқу орны әкімшілігінің қызметкерлері пікір білдіруден бас тартты. Облыстық білім басқармасы өкілдері де ештеңе айтпады. Олар полицейлер тергеу мүддесіне сай ешқандай пікір білдірмеулерін айтқанын жеткізді.
