Оқыс оқиға Арал ауданы Қамбаш елді мекенінің тұсында болды. Audi маркалы көлік жүргізушісі «Батыс Еуропа – Батыс Қытай» тас жолында жылқыға соғылды. Көлік жүргізушісі оқиға орнында қаза тапты. Көліктегі жолаушылар түрлі дене жарақатымен Арал аудандық ауруханасына жеткізілді. «Аталған дерек бойынша ҚК-нің 345-бабының 3-бөлігімен сотқа дейінгі тергеу жүргізілуде. Қылмыстық іс бойынша тиісті сараптамалар тағайындалды. Жылқының иесін анықтау үшін тапсырма берілді» делінген полиция таратқан ресми мәліметте.