Мемлекеттік кірістер комитеті 30 мың АҚШ долларын шекарадан заңсыз алып өтпек болған адамның жолы кесілгенін хабарлады. Ол Ақтау – Тбилиси бағытындағы халықаралық әуе рейсімен ұшып кетпек болған.
Айта кетейік, ел Президентінің биыл 14 наурыздағы Жарлығында Қазақстаннан 10 мың АҚШ доллары мөлшерінен асатын Ұлттық банк бағамы бойынша есептелген сомадағы қолма-қол шетел валютасын, Ұлттық банк шығаратын 5, 10, 20, 50 және 100 грамм аффинирленген алтын құймаларын және ALTYN BARYS алтынынан, КÚMIS BARYS күмісінен жасалған инвестициялық монеталарды, сондай-ақ 100 грамнан астам аффинирленген алтынды әкетуге тыйым салған болатын.
