Референдум жоғары деңгейде ұйымдастырылған - Халықаралық Түрік академиясының өкілдері

референдум
©Радмир Фахрутдинов

Халықаралық Түрік академиясының өкілдері Физули Маджидли және Тимур Козырев бүгін Қазақстанда өтіп жатқан референдум барысындағы бақылау нәтижелерін бөлісті.

Физули Маджидли түркі әлемінің ғылыми қауымдастығы референдум барысын толық бақылап отырғанын жеткізді. Байқаушылардың сөзінше референдум жоғары деңгейде ұйымдастырылған. Барлық сайлау учаскелері міндетті ережелерге сай жұмыс істеп жатыр.

Референдум жоғары деңгейде ұйымдастырылған - Халықаралық Түрік академиясының өкілдері
                                                                                                Физули Маджидли                                                       ©Радмир Фахрутдинов

«Сайлау учаскелерінде болғанда референдум айтарлықтай жоғары деңгейде ұйымдастырылғанын байқадық. Барлық жерде тәуелсіз байқаушылар қатысуда. Біз Exit Poll өкілдерін, түрлі ұйымдардан келген бақылаушыларды кездестірдік. ОСК және Қазақстанның басқа да мемлекеттік органдары барлық нормалардың мүлтіксіз сақталуын қамтамасыз етуде. Болған учаскелердің ешқайсысында  құқық бұзушылықтар болған жоқ», - деді Физули Маджидли.

Түрік академиясының өкілдері қазіргідей геосаяси тұрақсыздық жағдайында түркі елдері өзара ынтымақтастықты нығайтуы қажет екенін айтып өтті. Сондай-ақ референдум сәтті өтіп, Қазақстандағы оң өзгерістерге бастау болатынына сенім білдірді.

Aikyn.kz | Бүгінгі жаңалықтар. Әлем және Қазақстан жаңалықтары.