Маңғыстау облысының Бейнеу ауданындағы шекара қызметінде жүрген жерінен белдігіне асылып қайтыс болған сарбаздың әскери ант қабылдаған видеосы жарияланды, – деп хабарлайды Halyq Uni. Марқұмның естелік бейнежазбасын ағасы Нұржаусын Тешебай редакцияға жолдаған. Кадрдан оның әскери ант мәтінін мүдірмей оқып тұрған сәтін көруге болады. Айта кетейік, Президент Қасым-Жомарт Тоқаев Қазақстан армиясындағы әскери қызметшілер арасында өлім-жітімнің жиілегеніне ерекше назар аударып, осындай келеңсіздіктердің себебін тергеп-тексеру, әскери қызметшілер арасындағы заңсыздықтарды жою және келешекте мұндай теріс іс-әрекеттерді болдырмау үшін өзінің көмекшісі – Қауіпсіздік Кеңесінің хатшысы Ғизат Нұрдәулетовтің басшылығымен арнайы комиссия құруды тапсырғаны хабарланды. Бұған дейін Маңғыстау облысындағы әскери бөлімде асылып қалды деген 19 жастағы сарбаздың досы оның жіберген соңғы хабарламасын жариялады.