Синоптиктер 10 өңірде ауа райына байланысты ескерту жариялады.Ақтөбе облысының батысында, солтүстігінде, оңтүстігінде найзағай күтіледі. Желдің бағыты оңтүстік-батыстан солтүстік-батысқа ауысады, найзағай кезінде екпіні 15-20 м/с жетеді.
Батыс Қазақстан облысының шығысында найзағай жарқылдап, солтүстік-батыстан соққан желдің жылдамдығы 15-20 м/с-ке жетеді.
Күндіз 18 маусымда Түркістан облысының тауларында найзағай ойнап, дауыл соғады Солтүстік-шығыстан жел соғып, найзағай жарқылдайды.
Шығыс Қазақстан облысының түнде шығысында, күндіз батысында, солтүстігінде, шығысында найзағай жарқылдап, жел батыстан, солтүстік-батыстан соғады, күндіз облыстың оңтүстік-батысында, солтүстігінде, шығысында жел 15-20 м/с жылдамдықпен соғады. Облыстың батысында төтенше өрт қаупі сақталады.
Қызылорда облысының батысында найзағай күтіледі. Жел солтүстік-шығыстан солтүстік-батысқа ауысып соғады, таңертең және күндіз облыстың батысында, орталығында желдің күші 15-20 м/с жетеді. Облыстың басым бөлігінде төтенше өрт қаупі сақталады. Қостанай облысының солтүстік-батысында, солтүстік-шығысында найзағай жарқылдайды. Күндіз облыстың оңтүстігінде 36 градус ыстық күтіледі.
18, 19 маусымда Жамбыл облысының таулы аудандарда қатты жаңбыр күтіледі. Солтүстік-шығыстан соғатын жел оңтүстік-батысқа ауысады, 18 маусымда облыстың солтүстік-шығысында, таулы аудандарда, 19 маусымда облыстың оңтүстік-батысында, солтүстік-шығысында, таулы аудандарда соғатын жел екпіні 15-20 м/с болады деп күтіледі. Күндіз 19 маусымда облыстың солтүстігінде 38 градусқа дейін қатты ыстық болжанады.
Маңғыстау облысының солтүстік-батысында, орталығында найзағай күтіледі. Облыстың оңтүстігінде, шығысында, батысында шаңды дауыл соғады.
Солтүстік Қазақстан облысының батысында, оңтүстік-батысында найзағай күтіледі. Түнде және таңертең облыстың батысында тұман түседі.
Абай облысында төтенше өрт қаупі сақталады.
