Алматыда "Moskva metropolitan" сауда және ойын-сауық орталығы қоршауға алынып, адамдар эвакуацияланды.
Бүгін сағат 16:09-да қалалық полиция департаментіне «MOSKVA metropolitan» сауда ойын-сауық орталығына жарылғыш зат қойылғаны туралы хабарлама түсті.
«Ең алдымен сауда орталығына келушілер мен қызметкерлер эвакуацияланды. Полиция департаментінің жедел басқару орталығының хабарлауынша, қазір тексеру жұмыстары аяқталды. Мина қойылғаны туралы ақпарат жалған болып шықты», - деп хабарлады қалалық полиция департаменті
