Қостанай облысында арнайы операция барысында қылмыстық топ ұсталды

Қостанай

Қостанай облысының криминалдық полиция қызметкерлері 23 маусымда Алтынсарин ауданында ұрланған малы бар екі "Газель" автокөлігін ұстады, деп хабарлады облыстық Полиция департаменті

Арнайы операцияның егжей-тегжейін Криминалдық полиция басқармасының бастығы Ербол Қайырбеков хабарлады. Полиция полковнигі өңірде мал ұрлығы фактілерін ашумен айналысатын арнайы топтар құрылғанын айтты. Нәтижесінде, жыл басынан бері облыстың Амангелді, Қостанай және Қарасу аудандарында мал ұрлығымен айналысқан төрт қылмыстық топ ұсталды. Олар 70-тен астам мал ұрлаған.

"Жедел іс-шаралар өткізу кезінде полиция қызметкерлері Алтынсарин ауданында ұрланған 10 жылқыны тасымалдаған екі "Газель" автокөлігін ұстады. Алдағы уақытта облыстың басқа аудандарының аумағынан, жазғы коралардан 40-тан астам ұрланған мал мен үш қару (Ойық және тегіс ұңғылы) тәркіленді", деді полиция полковнигі.

Қазір Қостанай облысының 6 күдікті тұрғыны ұсталды. ҚР ҚК-нің 188-1-бабы "Мал ұрлығы" бойынша сотқа дейінгі тергеу басталды. Қажетті тергеу әрекеттері жүргізілуде. Қостанай облысының ПД жыл басынан бері облыс аумағында мал ұрлығының 48 фактісі тіркелгенін, оның 27-сі ашылғанын нақтылады.

Нәтижесінде, иелеріне 35 млн теңгеден астам сомаға 100-ден астам мал басы қайтарылды.

Сондай-ақ полиция негізінен қараусыз және еркін жайылымда жайылып жүрген және таңбаланбаған мал ұрланғанын атап өтті. Облыста қаңғыбас малға арналған 157-ден астам қора бар. Бүгінде мал басын сақтау шараларын қабылдау үшін меншік иелерімен тұрақты алдын алу жұмыстары жүргізілуде.

Aikyn.kz | Бүгінгі жаңалықтар. Әлем және Қазақстан жаңалықтары.