Шығыс Қазақстанда 7 адамның атына несие рәсімдеген алаяқ ұсталды, – деп хабарлайды Aikyn.kz.
Polisia.kz-тің дерегінше, Зайсан ауданының тұрғындары алаяқтың арбауына түскен. Екі тұрғын 2 270 000 теңге тауарлық несие рәсімдеген танысының әрекетіне шағымданған.
Осы іске қатысты полицейлер Зайсан қаласының 20 жастағы тұрғынын анықтап, ұстады. Бұдан бөлек, тағы 5 адам алданғанын да анықтады. Жалпы, шығын көлемі – 7 370 000 теңге. Күдікті бойжеткен өз кінәсін толық мойындады. Қолхатпен бостандықта жүр.
ҚК-нің 190-бабы 2-бөлігі (Алаяқтық) бойынша сотқа дейінгі тергеу басталды.
