Путиннің жолдауынан кейін ресейліктер Алматы мен Астанаға билетті жаппай сатып алып жатыр

Путин
© nastroy.net

Путиннің Жолдауынан кейін ресейліктер 21 қыркүйекке жоспарланған  Стамбұл мен Ереванға тікелей рейс билеттерін бірнеше минут ішінде сатып алды. 

Мәскеу уақытымен түске қарай Мәскеуден Ташкент, Баку, Бішкек және Астанаға тікелей рейс билеттері жоқ екені көрсетілген. Бірнеше рейспен жету нұсқалары әзірге бар, – деп хабарлады «Вёрстка» телеграм-арнасы.

Ресейде ішінара мобилизациялау туралы жарияланғаннан кейін РФ қалаларынан Қазақстанға билет бағасы қымбаттап, сұраныс артқан, – деп жазады Экспресс К.

Жолдаудан кейінгі алғашқы сағаттарда билет іздеу платформаларында үлкен жүктеме байқалады, деректер әдеттегіден баяу жүктеледі.

Мәскеудің Внуково әуежайынан Алматыға таяу күндерге тіпті қымбат билеттің өзі сатылып кетіп жатыр. Мысалы, 22 қыркүйекке билеттер жарты сағат ішінде сатылып кеткен.

Астанаға билет сатуға қатысты жағдай да осындай. Таяу аптадағы рейстердің әрқайсысында санаулы орын қалған. Платформалар билет сатып алып жатқанда осындай ескерту жасайды.

Санкт-Петербургтен де билетті жаппай сатып алып жатыр.

Aikyn.kz | Бүгінгі жаңалықтар. Әлем және Қазақстан жаңалықтары.