Қоғамдық саясат институтының мәліметінше, халықтың 80,1% мемлекеттік тілді біледі. Оның 49,3%-і күнделікті өмірде қазақ тілін қолданады.
Қазақстанда тұратын ұлттар арасында өзбектер – 72%, ұйғырлар – 71,7%, тәжіктердің 63,6%-ы қазақ тілін біледі. Сондай-ақ Қазақстанда тұратын әрбір төртінші неміс (25,2%), орыс (25,1%) және украин (23,7%) қазақша біледі.
Зерттеу нәтижесі әрбір үшінші қазақстандық ақпаратты қазақ және орыс тілінде алатынын көрсеткен.
Десе де, қазақша контентке сұраныс артқан. Мәселен, онлайн контент – 78%, мерзімді басылым – 84,5%, телеарна – 79,2%, интернет ресурс – 59,8%. Оның ішінде, әсіресе жастар қазақ тілін кеңінен қолданады.
