Мұхтар Әуезов – 125 жыл: Ұлттық банк жаңа коллекциялық монетаны айналымға шығарды

Мұхтар Әуезов – 125 жыл: Ұлттық банк жаңа коллекциялық монетаны айналымға шығарды
Фото: nationalbank.kz

Жазушы, әдебиеттанушы ғалым, драматург Мұхтар Әуезовтің туғанына 125 жыл толды.

Осы меретойға орай Қазақстан Ұлттық банкі MUHTAR ÁÝEZOV. 125 JYL коллекциялық монеталарын айналымға шығарады. Бұл монеталар «Есте қалатын оқиғалар мен біртуар адамдар» сериясын жалғастырады.

Монеталардың сатылымға түсетін күніне қатысты ақпарат ҚҰБ-тың ресми сайтында қосымша хабарланады.

MUHTAR ÁÝEZOV. 125 JYL коллекциялық номиналы 500 теңгелік монеталар:

 

Мұхтар Әуезов – 125 жыл: Ұлттық банк жаңа коллекциялық монетаны айналымға шығарды

– күміс монетаның сапасы – proof, массасы – 24 грамм, диаметрі – 37 мм, таралымы – 2 000 дана.

Номиналы 100 теңгелік монеталар:

 

Мұхтар Әуезов – 125 жыл: Ұлттық банк жаңа коллекциялық монетаны айналымға шығарды

– мельхиор қоспасынан дайындалған монетаның сапасы – brilliant uncirculated, массасы – 15 грамм, диаметрі – 33 мм, таралымы – 20 000 дана.

Коллекциялық монеталарды төлем жасау, айырбастау, ауыстыруға болады.

Күмістен жасалған монеталар мемлекеттік тілде, орыс және ағылшын тілдерінде ҚҰБ-тың нөмірлі сапа сертификаты бар кәдесый орамында болады. Мельхиор қоспасынан жасалған монеталар жеке блистерлік орамда шығарылады.

Коллекциялық монеталар Қазақстан теңге сарайында дайындалды.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.