Қарағанды облысында 176 ауылда таза су жоқ – Президент

Қарағанды облысында 176 ауылда таза су жоқ – Президент
Фото: БОРТ N1

Президент Қасым-Жомарт Тоқаев Қарағанды облысына жұмыс сапарымен барды. Тұрғындармен кездесуінде ауызсу мәселесін айтты. Бұл туралы Ақорданың баспасөз қызметі хабарлады.

Президенттің айтуынша, Балқаш көлі де тартылып барады.

«Облыстағы 176 ауылда таза су жоқ. Биыл 37 елді мекенге таза су беріледі. Басқа ауылдарды көп созбай сумен қамту қажет. Соңғы жылдары Балқаш көлі күрт тартылып барады. Еліміздің орталығын сумен қамтамасыз ететін Сәтбаев каналының техникалық жағдайы мәз емес. Білікті мамандармен бірлесіп, осы екі мәселені мұқият зерттеуді тапсырамын.

Көлді сақтау және каналды қалпына келтіру үшін барлық шаралар қабылдануы керек. Қазір суды тазартатын заманауи технологиялар баршылық. Қандай шөлді жер болса да, халықты ауызсумен қамтамасыз етуге болады. Әкімдік ірі бизнес өкілдерімен бірге бұл жұмысты мықтап қолға алуы керек», – деді Мемлекет басшысы.

Бұған дейін Қарағандыда Балқаш, Бурылбайтал, Қарқаралы, Жезқазғанға қатынайтын күре жолдарды жөндеуді тапсырғанын жазған болатынбыз.  

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.