Жаңа жоба жайында телеарна директоры Қанат Сахария Facebook-тағы парақшасында жазды.
«Достар, бізде Қазақстан үшін тамаша жаңалық бар. Бүгін біздің Atameken Business телеарнасында сағат 14.00-15.00-де «Күндізгі формат» уақытында біз бірегей жобаны, виртуалды жүргізушіні іске қосамыз», – деп жазды Қанат Сахария.
«Жасанды интеллектке негізделген бағдарламалық жасақтама теледидар жүргізушісінің аудиовизуалды бейнесін жасай отырып, мәтінді графика мен дыбысқа түрлендіреді. Виртуалды жүргізуші танымал қазақстандық актер Санжар Мәдидің образында жасалды, ол менің бұл бірегей жобаға қатысу туралы ұсынысыма қуана жауап берді», – деді бас директор.
Оның айтуынша, жаңа жобаға бір жылдай уақыт кеткен.
«Қазақстандық бағдарламашылардың толығымен әзірлеп шыққан IT-өнімі — ерекше мақтаныш. Біз алдын ала хабарлаған жоқпыз, өйткені бәрі өте күрделі және қауіпті болды. Біздің жетістікке жететінімізге ешкім кепілдік бере алмайды. Қабылданбаған материалдар көп болды, бірақ біз оны аяқтадық. Графикалық артикуляцияны дыбыстық жолмен үндестіру өте қиын болды», – деп жазды Қ. Сахария.
Қазақстандық виртуалды теледикторды ISanj деп атаған.
Телеарнаның ресми парақшасында хабарланғандай, виртуалды теледиктор сағат 14.00-де Bloomberg-тен «Күн форматында» эксклюзивті сараптама жүргізеді.
