Әлеуметтік желіде Ленин атындағы шахтада қаза тапқан кеншілердің портреттері бейнеленген видео пайда болды, – деп хабарлады Zakon.kz.
3 қарашада Қарағанды облысындағы шахтада газ жарылды. Апат кезінде 106 адам жер астында болған. 101-і эвакуацияланды. Бес адам қаза тауып, төртеуі жарақат алды.
Бұған дейін Қарағанды облысының әкімдігі шахтадағы апаттан қаза тапқандардың тізімін жариялаған болатын.
Ең тәжірибелі 42 жастағы шахтер Андрей Санжаров шахтада 21 жыл жұмыс істеген. Оның артында қарт ата-анасы мен екі баласы қалды.
26 жастағы Марғұлан Ынтыбеков шахтада екі ай ғана жұмыс істеген. Артында әкесі қалды.
Дмитрий Бойченко шахтада 8 жыл жұмыс істеді. Артында анасы қалды.
Денис Инкин 13 жыл жұмыс істеді. Оның артында әкесі, әйелі, қызы және тағы бір асыраушысы қалды.
Арман Қашкей 8 жыл еңбек етті. Ата-анасы қалды.
