Алматыда "Гарант 24" және "Estate" ломбардтарының директорлары ұсталды, деп хабарлайды polisia.kz.
"Қаржы пирамидасын ұйымдастырған екі қаржы ұйымының аймақтық директорларын Алматы полициясы ұстады. Алматы қаласы полиция департаменті Тергеу басқармасының мәліметі бойынша, жедел-іздестіру шараларын жүргізу барысында "Гарант 24 Ломбард "және" Estate Ломбард " директорлары анықталып, ұсталды.
Аталған факті бойынша ҚР ҚК 190-бабының 4-бөлігі (аса ірі мөлшердегі алаяқтық) бойынша сотқа дейінгі тергеу жүргізілуде.
"Алдын ала мәліметтер бойынша, бұл қаржы ұйымдары өткен жылдың соңынан бастап жұмыс істеп келеді. Жақсы дивидендтерді алу сылтауымен олар азаматтарға өз жинақтарын "тиімді" салуды ұсынды. Нәтижесінде Қылмыстық жолмен басқалардың ақша қаражатын иемденіп алған. Қазіргі уақытта аталған қылмыстық бизнесті ұйымдастырушылар ЖП уақытша ұстау изоляторына қамалды", - делінген хабарламада.
Естеріңізге сала кетейік, бұған дейін көпшіліктен келіп түскен арыз-шағымдардан соң аталған ломбардтың ШҚО-дағы, Тараздағы, Атыраудағы, Қарағандыдағы, Павлодардағы аймақтық директорлары ұсталған болатын
