«ҚазМұнайГаз» ҰК АҚ Басқарма төрағасы Мағзұм Мырзағалиев жұмыс сапарымен Абу-Дабиге барды. Сапар аясында Abu Dhabi Ports бас директоры Мохамед Джума Аль-Шамсимен кездесу өткізді.
Сапар барысында басқарма төрағасы 2012 жылы пайдалануға берілген Abu Dhabi Ports компаниясының Khalifa терең теңіз портына, сондай-ақ теңіз операцияларын қолдау базасына барды. Кездесуде тараптар теңіз және жағалаудағы жүк тасымалы, Каспий аймағындағы сауда флотын дамыту және инвестиция тарту саласындағы екіжақты ынтымақтастықтың перспективасын талқылады.
Сонымен қатар ҚМГ мен Abu Dhabi Ports Каспий теңізіндегі ірі теңіз мұнай-газ жобаларына қызмет көрсету бойынша ынтымақтастық орнату мүмкіндіктері талқыланды. Айта кету керек, Abu Dhabi Ports (ADP) – Біріккен Араб Әмірліктерінің аймақтағы порт, өнеркәсіптік және логистикалық операторы, өз портфелінде Абу-Дабидің әртараптандырылған экономикасының негізгі секторларын қамтитын ірі кәсіпорындар бар ең ірі холдинг компаниялардың бірі. ADP БАӘ мен Гвинеяда 11 порт пен терминалға (контейнерлік, жалпы жүктер, Ро-Ро, круиздік), сондай-ақ 550 шаршы километрден астам өндірістік аймақтарға иелік етеді. Бұл өз кезегінде сауданы жеңілдетіп, Абу-Дабиді бүкіл әлеммен байланыстыруға септігін тигізеді. Ал порт кластерінде Абу-Даби, Зайед, Халифа, Мусаффа, Мухаррак, Сила және басқа да порттар бар.
Сонымен қатар ҚМГ мен Abu Dhabi Ports Каспий теңізіндегі ірі теңіз мұнай-газ жобаларына қызмет көрсету бойынша ынтымақтастық орнату мүмкіндіктері талқыланды. Айта кету керек, Abu Dhabi Ports (ADP) – Біріккен Араб Әмірліктерінің аймақтағы порт, өнеркәсіптік және логистикалық операторы, өз портфелінде Абу-Дабидің әртараптандырылған экономикасының негізгі секторларын қамтитын ірі кәсіпорындар бар ең ірі холдинг компаниялардың бірі. ADP БАӘ мен Гвинеяда 11 порт пен терминалға (контейнерлік, жалпы жүктер, Ро-Ро, круиздік), сондай-ақ 550 шаршы километрден астам өндірістік аймақтарға иелік етеді. Бұл өз кезегінде сауданы жеңілдетіп, Абу-Дабиді бүкіл әлеммен байланыстыруға септігін тигізеді. Ал порт кластерінде Абу-Даби, Зайед, Халифа, Мусаффа, Мухаррак, Сила және басқа да порттар бар.
