Алматыда көпқабатты үй өртенді. Бұл туралы Алматы қалалық Төтенше жағдайлар департаменті хабарлады.
3 қаңтар күні сағат 10:13 кезінде 101 пультіне Алмалы ауданы Брусиловский көшесі, 167-үйден өрт шыққаны туралы хабар келіп түсті.
https://youtu.be/x-SL30JKrxY
Өрт сөндіру бригадасы 18 қабатты үйдің 4-қабатындағы екi бөлмелі пәтердің ас бөлмесін және тағы бір бөлмені 30 шаршы метр аумақта от шарпығанын анықтады. Өрттің таралуы сағат 10:44-те тоқтатылып, 10:59-да жойылды. Жалынның 5-қабатқа таралуына жол берілмеді. Зардап шеккендер жоқ. Оқиға себебі анықталып жатыр.
Өртті сөндіруге 43 маман мен 11 бірлік техника жұмылдырылды.
Құтқарушылар 75 тұрғынды, оның ішінде, 25 баланы қауіпсіз орынға эвакуациялады.
