Абайдың 175 жылдығына орай «Азия Авто» АҚ бес жүз LADA Granta көлігін шығармақшымыз деп жар салды. Дегенмен көлікті ақынның атымен атауы әбестік емес пе?
«Абайдың 175 жылдығына орай «Азия Авто» АҚ бес жүз LADA Granta көлігін шығармақпыз. Көліктер Classic жиынтығында болады. Біз бұл серияны ақын Абай Құнанбайұлының мерейтойына арнауды ұйғардық. Әр көлікте ақынның өлеңдері, қара сөздері жазылған кітаптың жиынтығы бар. Сонымен қатар Abai175 жазуы бар шильт арнайы дайындадық», – деді «Азия Авто» АҚ бас директоры Ерік Сағымбаев.
Компания осы жылдың басында «Қолжетімді автомобиль» бағдарламасын да ашқан. Ол арқылы қазақстандықтар 2 820 000 теңгеге жаңа көлік сатып ала алады. Ал Abai175 автокөліктері ақпан айының соңында сатылымға шығатыны белгілі болды.
Құптарлық жоба болса да, көлікке Абайдың атын беру әбестік екені рас. Еріккен Еріктің тірлігі ұлы ақынды тақымға салып бергендей, «қой» дейтін біреу болсашы?!.
Әділ БЕК
