Қостанай облыстық соты «Тальгодағы» қыз зорлау ісіне байланысты апелляциялық шағымды осымен екінші рет қарап отыр. 2019 жылдың тамыз айында дәл осы залда іс қайта қарауға жіберілген болатын. Содан кейін Жетес Үмбеталиев пен Колқанат Құрманиязовтің жазасы күшейтілді.
Сотталғандар үкімге шағым жасауға тырысты, бірақ 25 ақпанда облыстық алқа оны өзгеріссіз қалдырды.
«Қорғаушылардың апелляциялық шағымдарын, сондай-ақ іс материалдарын қарап, үкімді зерделеп, алқа бірінші сатыдағы соттың үкімі заңды және негізді деген қорытындыға келді. Жазаны есепке алу бөлігіне өзгеріс енгізілді. 2019 жылдың желтоқсанындағы заң бойынша ҚК-нің 62-бабына сәйкес орташа қауіпсіздік түзеу колониясында сотталғандарға жаза тағайындау кезінде күзетте ұстаудың бір күні бір жарым күн ретінде есепке алу туралы өзгерістер енгізілді» деп түсіндірді Қостанай облыстық сотының судьясы Ерлік Сералин.
Жолсеріктер Жетес Үмбеталиев пен Колқанат Құрманиязов өткен жылдың шілде айында сот залында қамауға алынды. Үкімнен кейін заңнамадағы өзгерістерге байланысты тергеу изоляторларында өткізген жеті ай орташа қауіпсіз ҚАЖ мекемесінде өткізген 10,5 айға тең. Яғни, колонияда жолсеріктер шамамен төрт жыл және бір жарым ай өткізеді.
Іс материалдарына сәйкес, зорлау 2018 жылы 26 қыркүйекте болған. Жәбірленуші елордадағы ғылыми конференциядан Ақтөбедегі үйіне «Тальго» пойызымен қайтып келе жатқан. Келіншектің айтуынша, түнгі уақытта купенің есігін өз кілтімен ашып кірген жолсеріктер оны кезекпен зорлаған.
19 шілдеде жолсеріктер 120-бабы 1-бөлігі бойынша 2,5 және 2,3 жылға бас бостандығынан айырылды. Алайда екі тарап та үкімге наразы болып, Қостанай облыстық сотына апелляциялық шағым берген. Онда бірінші инстанция сотының шешімі жойылды және істі тергеуге жіберді. 25 желтоқсанда жолсеріктерге жаза мерзімі орташа қауіпсіздік колониясында бес жылға дейін ұлғайтылды.
