Қолайсыз отбасыда тұратын және тәуекел тобындағы кәмелетке толмағандардың республикалық дерекқоры құрылмақ.
Оқу-ағарту министрлігі әзірлеген бала құқын қорғаудың 2023-2025 жылдарға арналған кешенді жоспарында аталмыш ведомство белгілеген бірнеше санатқа енетін балалардың дерекқоры жасалатыны айтылды. Олардың қатарында бұрын зорлық-зомбылық қылмысы үшін сотталған адаммен бірге тұратындар, денсаулығына, өміріне және жыныстық тұтастығына қол сұғатын қылмыс құрбандары, кәмелетке толмағандар саудасының құрбаны болған және заңсыз ұрланған немесе елден тыс жерлерге көшірілгендер, тұрмыстық зорлық-зомбылыққа ұшырағандар, ата-анасы немесе оларды алмастыратын адамдар, қамқоршылар және басқа туыстары тарапынан қатыгездікке ұшырағандар, өз-өзіне қол жұмсауға әрекет жасағандар, жүктілігі бар немесе түсік жасағандар және тағы басқа санаттар бар.
