Қазақстанда шетелдік көлікті заңдастыру басталғаннан бері 20 күн өтті. Осы уақытқа дейін Қазақстанда 27 мыңға жуық көлік тіркелді, – деп хабарлайды Aikyn.kz.
Тағы 65 мыңнан астам автокөлік алдын ала тексеруден өтіп, нөмірін салыстыруға және одан әрі тіркеуге жіберілді.
Сонымен бірге ІІМ автокөліктерді заңдастыру процесінде туындайтын проблемалық мәселелерді шешу үшін талдау жүргізіп жатыр.
Атап айтқанда, заңдастыру процесінде көбіне басқару органдары оң жақта орналасқан автокөліктер анықталды. Олар ел аумағына қосалқы бөлшектер түрінде әкелініп, кейіннен Қазақстан азаматтарына сатылған.
Аталған көліктер бойынша Ішкі істер министрлігі мемлекеттік органдармен бірлесіп, оларды Қазақстанда бастапқы тіркеудің құқықтық тетіктерін әзірледі. Қазір заңмен ресімдеу жүргізіліп жатыр.
