– «AMANAT» партиясы мемлекеттің табысы төмен отбасыларға, көпбалалы отбасыларға, балаларға, қарияларға және мүмкіндігі шектеулі жандарға барынша әлеуметтік қолдау көрсетуіне ықпал етеді. Бірінші кезекте жәрдемақы мөлшерін арттыруға күш саламыз. Ерекше қажеттіліктері бар адамдар үшін кедергісіз орта құруға ыңғайлы инфрақұрылым жасалады. Мүгедектікті растау рәсімдері жеңілдетіледі. Әлеуметтік бизнесті дамытуға заңнамалық деңгейде қолдау көрсетіледі. Ал Шымкент қаласына тоқталсақ, 2025-2027 жылдары әрқайсысы 150 орынды 2 жаңа оңалту орталығы салынып, пайдалануға беріледі. Бұл жерде емделушілер білікті мамандардың көмегімен оңалтудан өтеді. Бұдан бөлек, алдағы 5 жылда қалада «Бақытты жанұя» атты 5 орталық ашылуына ықпал жасаймыз, – деді «AMANAT» партиясы Шымкент қалалық филиалының төрағасы Бахадыр Нарымбетов.
Айта кетейік, бүгінде Шымкент қаласында 37 мыңнан астам мүмкіндігі шектеулі адам өмір сүріп жатыр. «AMANAT» партиясы оларға қамқорлық таныту мақсатында «Кедергісіз келешек» партиялық жобасын тұрақты түрде жүргізіп келеді.
Сайлаушылар «AMANAT» партиясының бастамалары еліміздің және қаламыздың көркеюіне жол ашатынына сенім білдіріп, алдағы Парламент Мәжілісі мен мәслихаттар сайлауында партияны жақтап дауыс беруге әзір екенін жеткізді.
Шымкент қаласы мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді.