Алматы облыстық Полиция департаментінің экс-басшысы Серік Күдебаевқа қатысты сот отырысы кейінге шегерілді.«ҚазАқпараттың» дерегінше, Жетісу облыстық сотының ресми өкілі Нұрсұлтан Орынбасаров айыпталушының ауруханаға түсіп қалуына байланысты сот отырысы кейінге қалғанын мәлімдеді.
Бұған дейін прокурор Серік Күдебаевты 9 жылға бас бостандығынан айыруды сұрады.
Айта кетейік, Алматы облысы Полиция департаментінің бұрынғы бастығы Серік Күдебаевтың соты қаңтар айында басталған болатын.
Еске салсақ, Алматы облыстық Полиция департаментінің бұрынғы басшысы Серік Күдебаев Қаңтар оқиғасы бойынша күдікті деп танылған еді.
Ол 2020 жылдан бастап 2022 жылдың қаңтарына дейін Алматы облысы Полиция департаментінің бастығы қызметін атқарған.
2022 жылдың 18 ақпанында қызметінен өз еркімен кетті.
