Кейбір санаттағы азаматтардың жәрдемақысы 14,5%-ға өседі
Кейбір санаттағы азаматтардың жәрдемақысы 14,5%-ға өседі
Парламент сенаты қабылдаған Әлеуметтік кодекс жобасы аясында кейбір санаттағы азаматтардың жәрдемақысы 14,5%-ға өседі.
Сенатта Әлеуметтік кодекс жобасын талқылау барысында депутат Ләззат Қалтаева кімдердің жәрдемақысы көтерілетінін айтты.
"Азаматтардың кейбір санаты үшін мемлекеттік әлеуметтік жәрдемақы және арнайы мемлекеттік жәрдемақы 14,5%-ке өседі", - деді ол сенаттың жалпы отырысында.
Олар:
  • мүгедектігі бойынша, асыраушысынан айырылуы бойынша мемлекеттік әлеуметтік жәрдемақы алатындар;
  • мүгедектігі бар баланы тәрбиелеп отырғандар; бірінші топтағы мүгедектігі бар адамға күтім жасайтындар;
  • саяси қуғын-сүргін құрбандары және саяси қуғын-сүргіннен зардап шеккен, мүгедектігі бар немесе зейнеткер адамдар;
  • саяси қуғын-сүргін құрбандары және саяси қуғын-сүргіннен зардап шеккен, мүгедектігі бар немесе зейнеткер адамдар; ерекше еңбегі үшін зейнетақы тағайындалған адамдар.
Депутаттың айтуынша, қылмыстық-атқару жүйесі мекемелеріндегі және бірінші топтағы мүгедектігі бар сотталғанға күтім жасауды жүзеге асыратын сотталған адамдарға мемлекеттік жәрдемақы алу құқығын беру қамтылған. Жәрдемақы сомасы шамамен 65 мың теңгені құрамақ. Қазіргі кезде бірінші топтағы мүгедектігі бар 54 адам сотталған.