Онлайн платформалар таксистер мен курьерлерге әлеуметтік төлем аударуға міндеттеледі. Яғни, олар енді ресми түрде жұмыспен қамтылғандар қатарына қосылмақ. Бұл туралы Еңбек және халықты әлеуметтік қорғау вице-министрінің міндетін атқарушы Назгүл Сағындықова мәлімдеді.
Оның айтуынша, қазірдің өзінде "Яндекс", Uber және Wolt-пен келісім жүргізілген. Онлайн-платформалар төлемді таксистердің табысынан емес, өз қалталарынан аударатын болды. Бұл шаралар жаңадан қабылданған Әлеуметтік кодекс аясында жүргізіліп жатыр.
