Адамдарды жүк салғышқа отырғызып тасыған бейнежазбаны Түркістан облысы Полиция департаментінің қызметкерлері тексерді.
Түркістан облыстық ПД баспасөз қызметінің хабарлауынша, әлеуметтік желілерде ВАЗ-2107 автокөлігінің жүргізушісі көлігінің үстіне бірнеше адамды отырғызып алған бейнесі жарияланды. Полицейлердің айтуынша, «Жигулидің» иесі – Ордабасы ауданының тұрғыны.
Оқиғаға байланысты Ордабасы аудандық полиция бөлімінің жергілікті полиция қызметінің қызметкерлері «Жолаушылар мен жүктерді тасымалдау талаптарын сақтамау» бабы бойынша оқиғаны тіркеп, заңға сәйкес әкімшілік хаттама толтырады.
