Түркістан облысы аумағында ауа райының қолайсыздығынан жолда қалып қойған азаматтарға арналған жедел желі іске қосылды, – деп хабарлайды Aikyn.kz.
Түркістан облысында екі күннен бері бұрқасын жел тоқтамай тұр. Соның салдарынан Бәйдібек пен Түлкібас аудандарының аумағы, «Батыс Еуропа – Батыс Қытай» трассасы, Қошқарата – Жарықбас – Бірлік, Шаян – Ағыбет – Шақпақ, Көксәйек – Ақсу – Мыңбұлақ бағытындағы жолдар жабылған.
Өткен тәулікте құтқарушылар жолда адасып кеткен 287 адамды құтқарды, оның 30-ы – балалар.
«Түркістан облысының ТЖД қолайсыз ауа райында және тәуліктің қараңғы уақытында жетуі қиын жерге бармау керегін ескертеді. Қала сыртына баратын болсаңыз, жолдардың жай-күйі туралы «Дармен» мобильді қосымшасынан білуге болады.
Қазір облыста 1 республикалық, 10 облыстық жол жабық», – делінген Түркістан облысы ТЖД баспасөз қызметі таратқан ақпаратта.
Түркістан облысы аумағында ауа райының қолайсыздығынан жолда қалып қойған азаматтарға арналған жедел желі іске қосылды.
Жедел желі: 8 725 33 5 78 97 немесе 102.