Шымкентте 11-сынып оқушысы өз-өзіне қол жұмсап, көз жұмды. Қазір құзырлы орган өкілдері тексеру жұмыстарын жүргізіп жатыр, – деп хабарлайды Aikyn.kz Kazinform-ға сілтеме жасап.
Оқиға кеше кешкісін болды. Сағат 18.30 шамасында үйінен суицид жасаған 11-сынып оқушысының мәйіті табылған.
Шымкент қаласы Білім басқармасының баспасөз қызметі ұсынған мәліметке сүйенсек, марқұмның сыныптастарымен қарым-қатынасы жақсы болған.
Сабақ үлгерімі де қанағаттанарлық.
«Қайғылы жағдайға байланысты құзырлы орган өкілдері тексеру жұмыстарын жүргізіп жатыр», – делінген басқарма ақпаратында.
Ал Шымкент қаласы Полиция департаментінің баспасөз қызметі аталған жағдай Еңбекші аудандық Полиция басқармасында тіркелгенін мәлімдеді.
Қазір сотқа дейінгі тергеу жүріп жатыр. Сот-медициналық сараптама тағайындалған.