«Қазгидромет» алдағы күндерге арналған ауа райы болжамын ұсынды.
Еліміздің 6 өңірінде үсік жүреді
10,707
оқылды

Еліміздің басым бөлігінде ауа райына атмосфералық фронталды бөлімдер әсер етеді, онымен қоса жаңбыр жауады, оңтүстікте, оңтүстік-шығыста қатты жаңбыр жауады, солтүстікте, шығыста, орталықта қатты жауын-шашын (жаңбыр, қар) жауады. Бұл туралы «Қазгидромет» РМК баспасөз хатшысы Алина Исмағұлова ОКҚ алаңында өткен брифингте мәлімдеді.

Оның айтуынша, республика бойынша желдің күшеюі күтіледі, найзағай, оңтүстікте, оңтүстік-шығыста, орталықта-бұршақ, оңтүстікте, оңтүстік-шығыста-дауыл, оңтүстік-батыста, оңтүстікте, батыста шаңды дауыл, солтүстікте – тұман болады.

«Түнде Солтүстік Қазақстан облысында, Ақмола, Қостанай облыстарының батысында, солтүстігінде, Ақтөбе облысының солтүстік-батысында, Павлодар облысының шығысында, оңтүстігінде, Ұлытау облысының солтүстігінде 1-6 градус үсік күтіледі», – деді Алина Исмағұлова ОКҚ алаңында өткен брифингте.

Сонымен қатар кейбір өңірлерде дауылды ескерту жарияланды. 1-2 мамырда Жетісу, Жамбыл облыстарында, 1-3 мамырда Алматы облысында қатты жауын-шашын жауу ықтималдығына байланысты тау және тау етегіндегі аймақтарда беткейлік ағын сулар жүруі және өзендерде су деңгейі көтерілуі мүмкін.