Оқиға 2023 жылдың 25 желтоқсанында Шарон өзенінің маңында болған.
Мұз ойылып, суға құлаған адамдарды құтқарған инспектор марапатталды (видео)
Фото: polisia.kz
820
оқылды

Атырау облысы Полиция департаменті Құрманғазы ауданы полиция бөлімі тәрбие және кадр жұмысы тобының инспекторы Роман Насихан ІІ дәрежелі “Айбын” орденімен марапатталды, – деп хабарлайды Aikyn.kz Polisia.kz-ке сілтеме жасап.

Оқиға 2023 жылдың 25 желтоқсанында Шарон өзенінің маңында болған. 

«Кешкі уақытта 102 арнасына әйел адамның суға құлап кеткені жөнінде хабарлама түсті. Сол сәтте қызметтік кезекшілікке түскен болатынмын. Дереу өзімнің жеке автокөлігіммен оқиға орнына бет алдым», – деді полицей. 

Мұз ойылып кеткендіктен әйелге көмекке келген ер адам да суға құлаған. Тәртіп сақшысы арқан лақтырып, азаматтардың ары қарай ағып, суға батып кетпеуіне ықпал жасаған. 

«Кейін патрульдік полицияның екі экипажы келді. Бәріміз күш салып, екі адамды судан алып шықтық. Одан соң әйел мен ер адамды өз көлігіммен орталық ауруханаға жеткіздім», – деді Роман Насихан.

Сараптама, зерттеу мақала, күнделікті өзекті ақпаратты «Айқынның» Telegram арнасынан табасыз.