Салынып жатқан үйдің ас бөлмесінде адам болғаны анықталды.
Атырау облысында найзағай түсіп, шетел азаматы қаза тапты (видео)
Фото: видеодан алынды
933
оқылды

Атырау облысы Миялы ауылында салынып жатқан үйге найзағай түсті. Ғимаратта өрт болып, 35 жастағы өзбекстандық қаза тапты, – деп хабарлайды Aikyn.kz "Ақ Жайыққа" сілтеме жасап.

Басылымның хабарына сенсек, кешкі сағат 7 шамасында Қызылқоға ауданы Миялы ауылындағы Үсенов көшесіндегі үйге найзағай түсіп, өрт шыққан. Бір техникасы ғана бар жергілікті өрт сөндіру бөлімінің үш қызметкері қызыл жалынды ауыздықтады.

Салынып жатқан үйдің ас бөлмесінде адам болғаны анықталды. Ол 1989 жылы туған Өзбекстан азаматы болып шықты. Тергеу барысында шетелдіктің осы жылдың 28 мамырында "Бейнеу" шекара бекеті арқылы Қазақстанға келгені және Миялы ауылының тұрғынының үйінде уақытша тіркелгені анықталды.

Тексеру кезінде мәйіттен дене жарақаты анықталған жоқ. Мәйіт сот-медициналық сараптама үшін аудандық аурухананың мәйітханасына жеткізілген. 

Сараптама, зерттеу мақала, күнделікті өзекті ақпаратты «Айқынның»  Telegram арнасынан таба аласыз.