Электрлі көлікті қуаттау (зарядтау) уақытының ұзақтығы оларды сатып алушылардың көңілін қалдырды. Тұтынушылар қайтадан бензинмен жүретін көліктерге ауыса бастады.
Электрлі көлік иелерінің 49%-ы бензинді көліктерге ауысқысы келеді
Батареяларды қуаттау инфрақұрылымының жоқтығы электр көліктерді (EV) сатып алушыларға кері әсер етеді. Фото carmagazine.co.uk сайтынан алынды
2,214
оқылды

Батареяларды қуаттау инфрақұрылымының жоқтығы электр көліктерді (EV) сатып алушыларға кері әсер ететінін businessinsider.com жаңа материалында жазды. Aikyn.kz орыс материалға сілтеме жасай отырып, электр көліктерінің тартымдылығының төмендеуінің себептерін талдайды.

АҚШ-тағы электр көлік иелерінің жартысына жуығы өздерінің электр көліктерін (EV) сатып, олардың орнына табиғи отынмен жүретін көліктерге ауысуды ойлап жүр. Фото carmagazine.co.uk сайтынан алынды

Жаңа дәуірдің автокөлік өнеркәсібіндегі соңғы тренд – адамдар өздерінің электр көліктерінен бас тарта бастауы. Қуаттау мәселелерінің қиындығы мен ұзақтығы тұтынушыларды бензин мен газбен жүретін дәстүрлі көліктерге қайта ауысуға мәжбүрлеуде. АҚШ-тағы электр көлік иелерінің жартысына жуығы өздерінің электр көліктерін (EV) сатып, олардың орнына табиғи отынмен жүретін көліктерге ауысуды ойлап жүр. Бұл электр көліктерінің индустриясы үшін тағы бір жаман белгі.

Жақында McKinsey жүргізген сауалнамаға қатысқан АҚШ электр көліктері иелерінің 46%-ы табиғи отынмен жүретін көліктерге қайта ауысуы мүмкін екенін көрсеткен, ал әлемде бұл көрсеткіш 29%.

Респонденттердің айтуынша, электромобильдерден бас тартудың негізгі себебі – қуаттау инфрақұрылымының жоқтығы. Көлікті үйінде қуаттай алмау мәселелері мен және алыс қашықтыққа саяхаттау да кері әсерді күшейткен.

Алыс қашықтыққа саяхаттау мен қуаттау инфрақұрылымының тапшылығы электр көліктерге жаппай көшуге негізгі кедергі болып саналды. Фото Getty Images сайтынан алынды. Авторлығы: MediaNews Group

Алыс қашықтыққа саяхаттау мен қуаттау инфрақұрылымының тапшылығы ұзақ уақыт бойы электр көліктерге жаппай көшуге негізгі кедергі болып саналды. Бірақ дәл осы мәселелер қазір де аккумулятормен жұмыс істейтін көлік иелерін бензинмен жүретін көліктерге ауысуға мәжбүр етуі электр көліктерінің индустриясына тосын соққы болды.

Көптеген сатып алушылар электр көлігін сатып алуға қызығушылық танытқанымен, америкалық электр көліктерінің нұсқалары көбінесе қымбат және қолдануда көп проблемалар туғызады. Сондықтан EV көліктері бензинмен жүретін көліктермен салыстырғанда әлі де тартымды болмай тұр.

Автокөлік компаниялары жаңа тұтынушыларды тарту үшін электромобиль нарығындағы кенет өзгерістерге бейімделуге тырысуда. Электр көліктер сатылымының бәсеңдеуі Ford-тан бастап Tesla-ға дейінгі авто индустрияны бір сілкіндіріп тастады. Сатылымдар төмендеді және автоиндустрия өкілдері электрлі көліктерге арналған ұзақ мерзімді жоспарларын қайта қарауға мәжбүр болуда.

Электромобильден бас тартатындар Австралияда өте көп – 49%. Фото Getty Images сайтынан алынды. Авторлығы: Justin Sullivan

EV-нің жүру қашықтығы өсіп, батареяны зарядтау уақыты азайғанымен үлкен инфрақұрылымдық олқылықтар кейбір штаттарда бензинмен жұмыс істейтін көліктерсіз саяхаттау мүмкін еместігін көрсетті. McKinsey зерттеуі бұл мәселенің әсіресе АҚШ-та өткір екенін анықтады, мұнда электромобильден бас тартатындарын айтқан респонденттердің пайызы екінші орында. Австралия бұл тізімде бірінші орында, ондағы респонденттердің 49% бұрынғы өмір салтына қайта оралуы мүмкін екенін айтқан.

АҚШ-тың қуаттау инфрақұрылымын қаржыландыруға деген ұмтылысы соңғы екі жылда қоғамдық қуаттау станцияларының өсуіне әкелгенімен бұл компаниялар негізінен ақша жоғалтқан кәсіпорындар болды.

Байден әкімшілігі қуаттау инфрақұрылымына 7,5 миллиард доллар бөліп, 2030 жылға қарай 500 000 электромобильді қуаттау станциясы іске қосылатынын айтуда. Дегенмен бұндай шешімдер әлі де жеткіліксіз, қаржыландыру бекітілгеннен бергі екі жылда бірнеше станция ғана іске қосылған.

Қуаттау инфрақұрылымы мәселесін шешу саланың басты проблемаларын жоюға бағытталғанымен, EV иелері қазірдің өзінде өздерінің көліктерін табиғи отынмен жүретін көліктеріне ауыстыруға деген көңіл-күйі мәселені одан ары қиындатып жіберді.

Aikyn.kz сайты электромобиль мен EV индустриясына байланысты бірнеше материал жариялады. Оларды мына сілтемелер бойынша өтіп, оқуға болады:  

Электр көліктері өртенсе, оны сөндіру мүмкін емес және Президент әкімшілігі халықты қымбат электромобиль сатып алуға көндіргісі келеді

 

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.