Түркістан облысы Сайрам ауданы Ақсукент ауылында ер адам сүйіктісін өлтірді деген ақпарат тарады, – деп жазады Aikyn.kz.
Жігіт қызды күнде жұмысынан алып қайтып, үйіне жеткізіп жүрген. Ол 30 маусым күні кешкі сағат 18:30-да қызды жұмысынан алып, бірден өз үйіндегі гаражға кірген. Одан кейін не болғаны белгісіз. Сарапшылардың талдауына сай, қыз 20:30-да қайтыс болған.
Toyota Land Cruiser Prado көлігінің салонында 19 жастағы З. есімді ер адам сүйіктісі Э-ні ұрып-соққан. Қыз соққыдан көз жұмған. Алайда қылмыстың нақты себебі хабарланған жоқ.
Stan.kz Түркістан облысы Полиция департаментіне хабарласып, жағдайға қатысты оқиғаның мән-жайын білді.
“Аса ауыр қылмыс жасады деген күдікті ұсталып, уақытша ұстау изоляторына қамауға алынды. Қылмыстық іс қозғалды. Барлық қажет сараптамалар тағайындалды. Болған оқиғаның толық мән-жайы анықталып жатыр”, – делінген хабарламада.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.