ҚР Ғылым және жоғары білім министрлігі Лотарингия университеті (Université de Lorraine) филиалының білім беру бағдарламаларын жүзеге асыру үшін Абай университетінің студенттеріне 95 грант бөлді.
Абай университетінде Лотарингия университетінің филиалы ашылды
414
оқылды

Еліміздің жетекші педагогикалық университеті – Абай атындағы ҚазҰПУ базасында Лотарингия университетінің (Франция) филиалы ашылды. Бұл айтулы оқиға білім беру сапасын арттыруға, академиялық ұтқырлық және халықаралық ынтымақтастықты жақсартуға бағытталған ұзақмерзімді ынтымақтастықтың нәтижесі.

ҚР Ғылым және жоғары білім министрлігі Лотарингия университеті (Université de Lorraine) филиалының білім беру бағдарламаларын жүзеге асыру үшін Абай университетінің студенттеріне 95 грант бөлді. Бұл – Франциядағы ең үздік университеттердің бірінде білім алудың бірегей мүмкіндігі. Сонымен қатар ынтымақтастық аясында студенттер мен оқытушылар Еуропаның жетекші университеттерінің бірінде білім алып, жұмыс істей отырып, алмасу бағдарламаларына қатыса алады. Бұл олардың академиялық және мәдени тәжірибесін байытып, университеттің халықаралық байланысын нығайтады.

Бүгінгі таңда Абай университетінде Лотарингия университетімен ынтымақтастық аясында бөлінген білім гранттары бойынша бакалавриаттың келесі білім беру бағдарламаларына талапкерлерді қабылдау жүргізіліп жатыр: «B018(KZ-FR) - Шетел тілі мұғалімдерін даярлау», «B140(KZ-FR) - Халықаралық қатынастар және дипломатия», «B044(KZ-FR)-Менеджмент және басқару», «B046(KZ-FR)-Қаржы, экономика, банк және сақтандыру ісі», «B047(KZ-FR)-Маркетинг және жарнама», «B093(KZ-FR)-Мейрамхана ісі және мейманхана бизнесі». 

Бұл бағдарламалар озық еуропалық білім беру стандарттары мен әдістемелері бойынша мамандар даярлауды қамтамасыз етеді. Халықаралық дипломдар түлектердің әлемдік еңбек нарығындағы бәсекеге қабілеттілігін айтарлықтай арттырады.

Абай университетінің базасында Лотарингия университетінің филиалының ашылуы – Қазақстандағы халықаралық байланыстарды нығайтудағы және білім деңгейін көтеру жолындағы маңызды қадам.

Сараптама, зерттеу мақала, күнделікті өзекті ақпаратты «Айқынның»  Telegram   арнасынан таба аласыз.