"Арнау” тобының солисі, актриса Салтанат Бақаева ата-енемен тұрудың артықшылығын айтты, – деп хабарлайды Aikyn.kz Stan.kz-ке сілтеме жасап.
Өнер иесі бір кездері ата-енесінен бөлек тұрғанын блогер Бота Абдрамановаға берген сұхбатында айтып берді.
“Менің ата-енеммен бірге тұрғаныма – 11 жыл. Бөлек тұрған кездер болды. Бірақ жолдасым екеумізге ыңғайсыз болды. Өйткені балаларға қарайтын адам болмады. Бала күтушісіне, бөтен адамға мен баланы сеніп тастай алмайды екенмін. Одан кейін өнер адамы болғандықтан, той, ән сапар деп жиі кетіп қаламыз. Мұның бәрі қиын болды. Ал бірге тұрған маған ұнайды. Бірақ болашақта балаларыммен бірге тұрғым келмес еді. Күйеуіммен бірге тұруды қалаймын", – деді актриса.
Айта кетейік, эстрада жұлдызы бір әулеттің жалғыз ұлына тұрмысқа шыққанын айтқан болатын.
“Біздің әулетте бөлек тұру деген әңгіме қозғалмайды. Өйткені жолдасым жалғыз ұл әрі үйдің кенжесі. Жолдасым – кәсіпкер, оның тіпті қолы тимейді. Сондықтан ата-енемен бірге тұруды қолдайтын келіндердің бірімін”, – деп шынын жасырмады әнші.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.